Publicouse unha nova orde de admisión do alumnado en centros escolares que substitúe a que estaba en vigor desde o ano 2013. Na nova orde estrutúranse con maior claridade as diferentes fases do proceso de admisión (reserva, admisión ordinaria e escolarización extraordinaria) e modifícanse algúns prazos do procedemento. Así pois, de cara ao vindeiro curso 2023-24:

• A reserva de praza (para aqueles alumnos que rematan etapa nun centro e pasan a outro adscrito) estará aberta do 15 de xaneiro ao 4 de febreiro.
• A reserva ordinaria de admisión (para os que entran novos no sistema ou mudan de centro de xeito voluntario) mantense do 1 ao 20 de marzo.
• Ademais, ao desaparecer os exames de recuperación, elimínase o prazo de matrícula en convocatoria extraordinaria de ESO e Bacharelato e establécese un único prazo de matricula que vai entre o 23 de xuño e o 7 de xullo.