O Ministerio de Educación y Formación Profesional seleccionou un proxecto de innovación no que participa o IES Universidade Laboral de Ourense

Exhibición Colaborativa e Modernización da Formación Profesional coa Soldadura Robotizada na Industria 4.0

En colaboración cos seguintes centros educativos:
 

• Centro Menesiano Zamora Joven
• INS Pere Martell de Tarragona
• IES Politécnic de Palma de Mallorca

E a empresa adicada a distribución de equipos de soldadura "Facosa"

O Proxecto terá unha duración de dous cursos escolares (21/22 e 22/23)

Breve Resumen do Proxecto:

Neste Proxecto pretendemos modernizar e dar visibilidade á nova Formación Profesional incluíndo a soldadura robotizada dentro das accións formativas dos diferentes Ciclos Formativos como Soldadura e Caldeirería, Automatización e Robótica Industrial, Fabricación e Montaxe, Automoción ou Mecatrónica Industrial entre outros, para adaptarnos á industria 4.0.

Desenvolveranse Unidades Didácticas adaptadas ao sistema robotizado. Empregaranse varias redes sociais, Sites de Google, Youtube para visibilizar o traballo realizado, tamén as diferentes propostas metodolóxicas que se vaian creando en colaboración con todos os Centros Educativos participantes e o apoio da Empresa para sacar o maior proveito do novedoso sistema de soldadura.

Como eixe que motive e centralice as diferentes Unidades Didácticas, crearánse os denominados CROWS (Collaborative Robotic Welding Skill). Para iso cada centro realizará xornadas de presentación aos Centros Educativos do seu entorno, así como ás empresas, para fomentar o desenvolvemento da nova Formación Profesional.

Fases do Proxecto
 

• Fase 1: Xestión e coordinación do proxecto e adquisición do equipo de soldadura robotizada.
• Fase 2: Formación no emprego e programación de robots colaborativos de soldadura, deseño e xeración de recursos e periféricos.
• Fase 3: Elaboración do material didáctico.
• Fase 4: Campionato Colaborativo de soldadura robotizada. CROWS
• Fase 5: Difusión do proxecto.