O Departamento de Mantemento ven de recibir unha dotación de maquinaria moi importante para o noso centro. Trátase dunha fresadora industrial (foto superior) e un torno industrial (foto inferior).

Este equipamento ven a completar o xa existente no taller de mecanizado; espazo que comezamos a renovar e modernizar case na súa totalidade desde hai xa dous anos e medio.

O taller adoita ser utilizado polos tres grupos do Ciclo Superior de Mecatrónica Industrial; un ciclo que conta cunha moi elevada taxa de inserción profesional.