Activilandia é un “parque temático virtual” que pretende ensinar aos escolares que unha alimentación saudable e a práctica de exercicio son hábitos saudables e divertidos.
Este proxecto achega contido informativo para pais, nais e educadores. Combina contidos lúdicos e educativos en distintos formatos audiovisuais: xogos dixitais, vídeos, música, descargas. Animacións en dous e en tres dimensións.
Propón consellos para realizar unha alimentación variada e equilibrada, xogos e actividades en familia, na escola, no parque con amigos, deportes, baile, así como outros hábitos saudables de hixiene ou sono adecuado.