O día 25 de abril o alumnado de 1° Bacharelato de artes visitou as salas de exposición da cidade.
Familiarizándose coa vida cultural de primeira man, xa que contaron coa guía dos galeristas.
O IES Universidade Laboral leva case 20 anos recibindo alumnado xordo e hipoacúsico, por iso a lingua de signos leva presente no noso centro desde hai décadas.
Este curso participamos no "VI Concurso Cantamos con las Manos", promovido pola Federación de Asociacións de Persoas Xordas de Galicia. O venres 21 de abril tivemos a presentación oficial do vídeo "Quéreme ben" no salón de actos e quedámonos sen palabras para cualificar o traballo realizado por todos: impresionante, emotivo, moi fermoso...
Veredes moitas caras coñecidas nel signando a canción e mensaxes cheas de sentimento: alumnado de ESO, moito profesorado e persoal non docente (conserxes, limpadoras, persoal de cafetería e ata algún provedor). Todos quixeron colaborar...
Tamén hai que agradecer especialmente ao alumnado de artes que se ofreceu para formar parte da produción do mesmo.
Finalmente non gañamos o concurso, pero iso non era o importante, senón o camiño recorrido para chegar ata aquí. Grazas a todos/as os que credes que a inclusión é a mellor maneira de construír un mundo máis humano e soportable.
"O camiño percorrido para chegar ata aquí é unha parte importante da nosa historia, pero o máis importante é o que fagamos a partir de agora." - J.K. Rowling
Chega a fase sinal do primeiro campionato de xadrez da Universidade Laboral! Da ludoteca sairá o campión nas vindeiras semanas. Ollo as datas e moita sorte a tódolos participantes!
Facede click na imaxe para ampliar
Estes días apareceu un misterioso cartel na entrada do recinto. Terá que ver con algo relacionado con aprender a orientarse?.
Terá que ver con algún tipo de actividade ou xogo para o alumnado?. Teredes que ir mercando unha brúxula e botas de montaña?
Haberá algún misterio que resolver?
Seguimos investigando porque a cousa non está moi clara, pero semella que vai ser interesante...
Para que durante os próximos días busquedes algún obxecto ou concepto relacionado coas mates, o departamento de matemáticas convoca o segundo concurso de fotografía matemática. Animádevos a participar!!
O martes 11 de abril pola tarde, case 90 rapaces e rapazas dos catro cursos da ESO volveron ás aulas para participar no Rally matemático. En grupos de oito cooperaron para resolver cinco problemas un pouquiño diferentes aos que están acostumados... E, como non todo na vida van ser problemas, remataron cunha rica merenda!!
Bolsas para cursar Bacharelato, FP e Universidade
O prazo para solicitar bolsa para o curso 2023-2024 será do 27 de marzo ao 17 de maio de 2023.
O alumnado interesado deberá solicitala dentro deste prazo, aínda que non saiba o que vai estudar, ou mesmo se vai continuar estudos ou non.
Do 14 ao 16 de marzo levouse a cabo parte do proxecto Erasmus KA122VET do noso centro.
Consistiu nun jobshadowing de profesorado que asistiu ao ETAP de Caminha (Portugal), e puido visitar as aulas, os talleres, e coñecer empresas da zona.
Durante toda esta semana o alumnado de Antropoloxía e Filosofía aistiu as charlas e percorrido da exposición "Etnografía de Galicia, hórreos, cereais e fariñas". Grazas a Arturo Fernández por darnos a coñecer o noso patrimonio, e compartir con nós, xenerosamente, todo que foi recopilando ao longo dos anos.
O noso alumnado de Mecatrónica e do Curso de Especialización en Dixitalización do Mantemento Industrial visitaron as instalación do Laboratorio Oficial de Metroloxía de Galicia (LOMG), no Parque Tecnolóxico.
Durante a estancia puidieron ver como se utilizan as máquinas de medición por coordenadas (CMM) e como se realiza unha enxeñería inversa para a inspección e verificación de pezas.
O venres 17 de marzo contamos coa presenza da escritora Marisol Ortiz de Zárate, quen nos falou da súa novela premiada “A canción de Shao-Li”.
Despois da charla a autora tivo ocasión de debatir co alumnado de primeiro de ESO e autografiar exemplares do seu libro.
Na ESO:
No Bacharelato:
Temos 27 anónimos e ningún membro en liña
