Por fin!!!. Aproveitando o gran espazo verde de que dispón a Universidade Laboral, puidemos celebrar o tradicional magosto ao aire libre. Bolos preñados, castañas, bica e a tradicional fogata. O pasado venres 12 de novembro puidemos pechar o recinto á circulación de vehículos durante unha hora para poder celebrar dous anos despois o tan esperado magosto.
Poden presentarse a este concurso alumnas e alumnos de Secundaria e Bacharelato que estudan no IES Universidade Laboral. Consideraranse as seguientes categorías: Categoría A: Estudantes de 1º, 2º de ESO. Categoría B: Estudantes de 3º, 4º de ESO e FP Básica. Categoría C: 1º, 2º de Bacharelato
Estes dias podemos visitar a exposición realizada polo alumnado de Educación Plástica e Paisaxe e Sustentabilidade de 1º da ESO. Caligrafía das alumnas de Artes. Cabazas de diferentes tipos, castañas, e pequenos semilleiros vivos. Unha mañá de traballo e de agradecemento á terra. Nunca imaxinamos que puidera existir tal variedade de cabazas.Galería fotográfica da exposición.
Neste mes de novembro vanse realizar as eleccións ao Consello Escolar do IES que correspondían ao ano 2020 e que foran adiadas por mor da pandemia Covid19. O pasado día 27 foron sorteados os membros que formarán parte da Xunta Electoral que velará por todo o proceso para a elección dos representantes dos distintos sectores da comunidade educativa. Neste proceso elixiranse:
- Tres representantes do sector do profesorado
- Catro representantes do sector do alumnado
- Dous representantes do sector de nais e pais
- Un representante do sector do persoal de administración e servizos
O prazo de admisión de candidaturas rematou o 12 de novembro
A data de celebración do sorteo para determinar os membros das mesas electorais é o día 15 de novembro
A data de celebración das votacións vai ser o 25 de novembro nos seguintes horarios:
- Nais, pais e titores legais do alumnado de 19:00 a 20:00 horas no hall do IES
- Alumnado de 11:00 a 11:30 horas. A urna estará no hall de entrada.
- Profesorado ás 18:30 horas no salón de actos (en claustro extraordinario).
- PAS de 11:30 a 12:30 horas na secretaría
As candidaturas presentadas e admitidas pola xunta electoral pódense consultar premendo en "Ler máis". O prazo de reclamación á admisión de candidaturas (mediante escrito dirixido á xunta electoral) remata o mércores 17 de novembro ás 13:00 horas
Desde o mércores 27 ata o domingo 31 de outubro estivo no campo de hockei da Laboral a selección española de hockei masculina absoluta, e tamén a sub 21. Realizaron unha concentración de cinco días para adestrar e de paso inaugurar formalmente o noso campo.
Ademais dos adestramentos eses días tamén realizaron varios actos institucionais en Ourense. Desde o noso recinto pudéronse ver todas as actividades que realizaron estes xogadores que ata hai pouco estaban disputando os Xogos Olímpicos de Xapón.
A selección absoluta aquí comezou a preparación das olimpiadas de Paris 2024.
A selección sub21 adestrou para a importante cita que ten na Copa do Mundo masculina da categoría, que se celebrará en Bhubaneswar (India), do próximo 24 de Novembro ao 5 de Decembro.
Todo un luxo para a Laboral.
Está aberto o prazo de solicitude da
s becas Amancio Ortega para alumnado de 4º de ESO. Tedes toda a información na web do programa
Xa podedes descargar o calendario escolar para este curso. Recordade que o luns 11 e martes 12 de outubro non son días lectivos e polo tanto non haberá clases
Xa nos convertemos en Centro Examinador de Trinity College. Con isto pretendemos proporcionar ao noso alumnado de 4º de ESO, Bacharelato e Ciclos a oportunidade de obter un certificado oficial de inglés a nivel internacional.
Os exames por niveis de Trinity GESE (Graded Examinations in Spoken English) representan un método válido e fiable para avaliar o progreso e desenvolvemento do alumnado na lingua inglesa.
Trinity College é unha Institución Británica para a difusión da cultura inglesa, recoñecida internacionalmente como centro de proxección de exames de inglés. A súa sede oficial está en Londres. Trinity recoñece outros centros examinadores locais diseminados por todo o mundo (como a Universidade Laboral) para evitar que o alumnado que queira certificar os seus coñecementos teñan que desprazarse a Londres.
Na Laboral temos previsto realizar a convocatoria ás probas de nivel ISE ( Integrated Skills in English ) correspondientes a A2, B1 e B2.
Este curso que empeza xa está pechada a matrícula subvencionada, pero cada curso escolar volveremos a abrila con tempo suficiente para que os que estean interesados en realizar ditas probas podan facelo.
Como moitos de vós xa saberedes o pasado venres rescatamos un cachorro de gato no noso IES. Dende as 8,30 e durante máis de 7 horas varios profesores e profesoras se movilizaron para conseguir recollelo do alto dunha tuya de máis de 10 metros de altura.
Ainda que algúns pensen que os gatos todos saben baixar por onde subiron, non sempre é así. A veterinaria, especialista felina, confirmounos que se se trata dun pequeno e a súa nai non lle ensinou estas habilidades, polo que non podería baixar e probablemente morrería exhausto.
Os membros da Aula da Natureza do centro avisaron a varias instituciòns e corpos de seguridade, pero temos que dicir que quenes resolveron de forma EFICAZ foron os nosos amigos de "Patrulla Callejera e Colonias de gatos de Ourense" que tantas veces nos visitaron para facer actividades.
A realidade é que a pequena foi rescatada por Marcelo. Non temos palabras para agradecer o que fixo, xa que chegou desde o seu traballo en Xinzo, rescatouna e regresou as catro da tarde sen comer. Sí amigos, existen persoas así.
A pequena á que xa bautizamos coma "Tuya", está ben coidada pola veterinaria, que traballa tamén de forma xenerosa. Recordade que ainda que este sexa un caso rechamante e queirades adoptar, hai centos de gatos e cans esperando a súa oportunidade.
Finalmente queremos dar as grazas a todos os profes que colaborastes, máis alá do voso horario lectivo, portando cordas, escaleiras, comida, construindo ganchos; e especialmente a Mila e Alberto, e, sobre todo, grazas a Colonias, Marcelo, Judith e Luz. Educar coa vosa colaboraciòn sempre dá os seus froitos.
Se queredes ver as fotos do rescate, podedes facer click na Galería fotográfica
A gatiña é o punto blanco que veredes na copa da árbore, berrando todo o tempo, ò sol, aí agarrada, e Marcelo, o rescatador é a persoa que se ve no tellado xunto a Alberto Bahón, o noso profe de Debuxo.
Xa hai unha alumna que quere adoptar, e un bombeiro xa lle buscou un fogar provisional.
A esposición Ilustrísimas segue dando que falar. Esta vez deron a coñecer as vidas das mulleres ilustres da historia nun contorno tan fermoso como é o noso xardín.
Un traballo conxunto das materias de "Ética e Filosofía do Dereito" e "Técnicas de Expresión Gráfico-Plástica", con Mila Alonso como impulsora do proxecto.
Cada alumno/a participante escolleu unha muller e a converteu en protagonista dunha obra de arte.
Paravéns por esta iniciaciva e por colaborar en visibilizar entre o noso alumnado a tantas mulleres pouco valoradas ao longo da historia.
O equipo de 1º de ESO B ven de gañar o Rally matemático sen fronteiras 2021, co 2º Colexio Plurilingüe Abrente de Sanxenxo como segundo clasificado e o IES Nº 1 do Carballiño en terceiro lugar.
Parabéns a todo o profesorado do Departamento de matemáticas implicado neste proxecto, e especialmente á nosa profesora Lucía Seoane Gómez como impulsora desta aventura matemática, e como non, ao alumnado participante. Estamos moi orgullosos de todos eles.
Haberá unha entrega de premios a finais de maio e a Ruta científica-matemática no Camiño de Santiago en xuño, na que participarán os primeiros equipos de cada categoría.
Varios equipos da Universidade Laboral participaron no rally científico matemático 2021
- En 1° de ESO participaron 4 equipos
- En 2° de ESO participaron 3 equipos
- E en 3° e 4º de ESO 1 en cada nivel
O total foron 8 equipos que participaron a tarde do 15 de abril nunha xornada que resultou emocionante.
Cada equipo estaba formado por 8 alumnos/as, e cada grupo tivo que resolver cinco problemas nunha hora.
Foi a primeira vez que o noso centro participou nesta competición, polo que lles desexamos moita sorte
A partir do 19 de abril e ata final de mes ábrese o prazo de inscrición ás probas libres para a obtención de títulos LOE (a extinguir) de FP.
- As persoas que se inscriben deben utilizar o anexo I da orde do 5 de abril de 2013 como modelo de inscrición para ás probas e o anexo II para a xustificación de actividades desenvolvidas na empresa.
- As solicitudes “por escrito” (sen código de solicitude) recibidas cargaranse, de forma manual, na aplicación “ciclosadmision” na pestana 5.1 “Alta de solicitudes ordinarias”.
O alumnado do 2° curso do ciclo de Mantemento de Instalacións Térmicas e de Fluídos visitaron esta semana o "Heat District" de Biomasa recién inaugurado no Concello de Silleda.
Na visita o alumnado puido acceder ás distintas partes da instalación como son as máquinas térmicas, todo o sistema de automatización, rede de tubería e instrumentación asi como visitar algunhas das dependencias ás que dito Heat District está dando serivizo: un pabillón polideportivo e unha piscina entre outros. A visita foi moi interesante dada a singularidade técnica da instalación e por suposto agradecemosa boa disposición do Concello de Silleda que puxo á disposición do noso alumnado o técnico proxectista da instalación, quen fixo diversas demostracións cos equipos e respostou todas as dúbidas do alumnado.
Diversas noticias nos medios de comunicación que fixeron unha reportaxe desta visita:
O IES Universidade Laboral e o Centro Residencial Docente compartimos edificio desde hai moitos anos. Nos dous centros existían desde o ano 1992 multitude de rampas que facilitaban o acceso a varias zonas dos dous edificios, pero seguían existindo moitos obstáculos insalvables e zonas de imposible acceso para unha persoa de movilidade reducida.
As obras necesarias para humanizar os nosos centros eran ambiciosas. Comezamos con elas dun xeito coordinado hai xa case un ano. O Centro Residencial instalou un ascensor e un elevador, e pola súa parte o IES instalou un elevador, duas rampas en zonas nas que existían escaleiras e construíronse dous aseos para minusválidos.
Con todo isto quedan os dous centros unidos sen barreiras arquitectónicas e listos para que calquera persoa con movilidade reducida poda residir no Centro Residencial e cursar ESO ou calquera dos Bacharelatos (incluído o de Artes) no noso IES.
Un logro que levábamos anos tentando conseguir.
Na imaxe podemos ver o elevador acristalado situado na zona do salón de actos.
O Ciclo Medio de Carrozaría leva implantado no noso centro hai xa moitos anos, e con moito éxito; debido a que ten un elevado grao de empleabilidade. Os alumnos e as alumnas que o rematan atopan traballo moi pronto.
Contaba desde os seus inicios cun espazo de taller propio, pero nunca dispuxo dunha aula propia. Os alumnos deste ciclo sempre tiñan que compartir aula con outros ciclos o que sempre lles creou certa incomodidade.
No mes de novembro pasado iniciouse a construcción da nova aula de carrozaría. As obras foron a bo ritmo e xa está en uso desde a volta de vacacións no mes de xaneiro.
Trátase dunha instalación moderna e con sistema de ventilación propia.
A Universidade Laboral é un dos poucos centros de Galicia que conta cun Bacharelato de Artes. A zona onde ten as aulas específicas precisaba xa dunha actuación integral.
O que se fixo foi unir un pequeno espazo de desdoble (a aula 4) cuns vestiarios/aseos existentes. O resultado é o que xa se pode observar na fotografía, unha nova aula con tódolos servizos necesarios: zona de informática para 15 postos, almacén propio, boa iluminación, acometidas para auga fría e quente.
Tamén se reformaron os exteriores do lugar onde está situada: a porta de saída para a zona de artes foi cambiada, pavimentado o hall de entrada e os aseos masculinos e femininos foron totalmente reformados.
No futuro tense pensado habilitar un cuarto/vestiario para o persoal da limpeza, substituír o sistema de calefacción actual (enterrado no chan) por un aéreo e continuar co novo pavimentado ata o comezo do corredor de artes.
Máis artigos
- Distribución de máscaras entre o alumnado
- Plan de ensino virtual ante a Covid-19
- Informes da Dirección
- Radar Covid
- Instruccións para a matrícula nas ABAU (Selectividade)
- O Blog da Biblioteca
- Protocolo para a prevención do contaxio do coronavirus
- Medidas hixiénicas ante enfermidades contaxiosas
- Xa temos Aula Maker
- Xa temos Club de Ciencia
Temos 9 anónimos e ningún membro en liña
 |
 |
 |
|
 |
|---|
|
|
 |
 |