A xunta de avaliación de 2º curso da Formación Profesional Básica acordou convocar unhas probas para que o alumnado que rematou o citado programa no noso centro teña a posibilidade de acadar o título de ESO. As probas realizaranse o xoves 20 de xuño de 2019. Convócase a tódolos interesados para o acto de presentación que terá lugar ese mesmo día ás 16:00 horas na súa aula.
A normativa desta proba pódese descargar neste enlace
Neste enlace pódense descargar as datas e horarios dos exames da convocatoria extraordinaria de 2º de Bacharelato para o alumnado con materias supensas.
Vanse celebrar entre o mércores 19, e o venres 21 de xuño en xornada de mañá. Os boletíns entregaranse o martes 25 de xuño ás 10:30 horas.
Recordade que se alguén dos que aproban tódalas materias ten intención de matricularse nas probas de acceso á Universidade, debe pasar ese mesmo día pola secretaría do IES para recibir a documentación e instruccións necesarias
O noso IES a través da aula medioambiental participou na "Semana do plástico cero". Nesta ocasión a tarefa foi informar e recordar para fomentar as alternativas ó plático. Así espallaron as súas consignas:
"Busca alternativas ás bolsas de plástico. Comparte as túas ideas. ¡Plástico cero!".
Estes días os membros da aula medioambiental estiveron engalanando unha das nosas árbores co obxectivo de visibilizalas e sensibilizar na importancia que ten a súa protección. Debemos coidar as árbores se queremos ter unha vida verdadeiramente humana.
Por suposto toda a actividade foi feita con materiais adecuados para non danar a nosa árbore, teas, cintas, madeira; e por suposto sen cravar nada nela, só rodeándoa cun abrazo de respecto.
A Asociación d desenvolvemento sostible Sustinea brindounos a posibilidade de visitar o Couto Mixto. Durante unha xornada completa alumnos de 1º de Bacharelato puideron coñecer a historia dunha xente e dun territorio que no seu día foron independentes.
Visitaron a igrexa da zona coa súa misteriosa arca, practicaron dinámicas en movemento e unha gran "gymcana" percorrendo os montes e aprendendo moitas cousas da súa fauna e flora.
A xornada incluíu un xantarentre todos/as xunto a un regato e actividades sensoriais interacionando coa natureza e falando cos habitantes da aldea.
Un día cheo de historias, mitos e por suposto unha oportunidade para valorar o noso contorno.
Desde a Universidade Laboral queremos dar as grazas a Sustinea por financiarnos a viaxe e as tres monitoras que os acompañaron.
A aula medioambiental non para de facer actividades. Segue a colaborar coa "Patrulla callejera". Esta vez o alumnado reciclou cartón de embalar para convertelo rascadores para gatos.
Unen así o compromiso fomentando a reciclaxe e o apoi a esta protectora na nosa cidade
As clases de 2º de Bacharelato continúan ata final de curso para o alumnado que suspendeu algunha materia. Trátanse de clases de recuperación de cara a que poidan examinarse con éxito nas probas extraordinarias a celebrar na semana do 17 de xuño:
Recordade tamén que un lugar idóneo para estudar é a biblioteca escolar, que está aberta toda a mañá.
As atletas máis pequenas veñen pisando forte. O mesmo día no que os nosos atletas xuvenís participaban no campionato galego, os máis pequenos competían no provincial infantíl; e recibimos a nova que Raquel Jia Pascual Souto de 1º de ESO A recibía unha choiva de medallas:
- Medalla de bronce en 80 metros
- Medalla de ouro en 150 metros
- Medalla de prata en 4x80
Unha verdadeira promesa do atletismo provincial.
Agradecemos á Escola Atlética Ben-Cho-Shey de Pereiro de Aguiar o fantástico traballo que está realizando cos nosos atletas, e animamos ao resto do alumnado da Laboral a probar nesta disciplina deportiva.
Noraboa Raquel!!!
Temos 55 anónimos e ningún membro en liña
 |
|---|
|
|
 |
 |