En Formación Profesional é preceptivo solicitar a admisión a Ciclos Formativos antes de matricularse. Máis información no seguinte Enlace
Período de presentación de solicitudes de admisión:
- Do 24 de xuño ao 2 de xullo ás 13:00 horas
Unha vez admitidos os períodos de matrícula no centro son os seguintes:
Período ordinario de matrícula:
- Matriculación 1ª adxudicación, do 16 ao 23 de xullo ás 13:00 horas
- Matriculación 2ª adxudicación, do 26 ao 31 de xullo ás 13:00 horas
Período extraordinario de matrícula:
- Matriculación 1ª adxudicación, do 3 ao 6 de setembro ás 13:00 horas
- Matriculación 2ª adxudicación, do 18 ao 20 de setembro ás 13:00 horas
Máis Información sobre a documentación a entregar na secretaría.
A Asociación d desenvolvemento sostible Sustinea brindounos a posibilidade de visitar o Couto Mixto. Durante unha xornada completa alumnos de 1º de Bacharelato puideron coñecer a historia dunha xente e dun territorio que no seu día foron independentes.
Visitaron a igrexa da zona coa súa misteriosa arca, practicaron dinámicas en movemento e unha gran "gymcana" percorrendo os montes e aprendendo moitas cousas da súa fauna e flora.
A xornada incluíu un xantarentre todos/as xunto a un regato e actividades sensoriais interacionando coa natureza e falando cos habitantes da aldea.
Un día cheo de historias, mitos e por suposto unha oportunidade para valorar o noso contorno.
Desde a Universidade Laboral queremos dar as grazas a Sustinea por financiarnos a viaxe e as tres monitoras que os acompañaron.
A aula medioambiental non para de facer actividades. Segue a colaborar coa "Patrulla callejera". Esta vez o alumnado reciclou cartón de embalar para convertelo rascadores para gatos.
Unen así o compromiso fomentando a reciclaxe e o apoi a esta protectora na nosa cidade
As clases de 2º de Bacharelato continúan ata final de curso para o alumnado que suspendeu algunha materia. Trátanse de clases de recuperación de cara a que poidan examinarse con éxito nas probas extraordinarias a celebrar na semana do 17 de xuño:
Recordade tamén que un lugar idóneo para estudar é a biblioteca escolar, que está aberta toda a mañá.
Coma tódolos anos por estas datas, o alumnado de segundo de artes realiza unha interesante exposición fotográfica. Trátase de fotografía en branco e negro sobre tema libre, e pódese visitar estes ao longo do corredor inferior.
Unha iniciativa que seguramente animará ao alumnado a seguir formándose na fotografía.
¡Desfrutade da exposición!
O Departamento de Xeografía e Historia instalou unha exposición no hall do centro que se titula "Exiliados e deportados". Trátase dunha mostra dos galegos e galegas que se viron avocados a exilarse por seren perseguidos.
Esta exposición permanecerá, máis ou menos, quince días. Complenta esta exposición uns documentais que se proxectará ao alumnado a partir de terceiro de ESO.
Hoxe temos que darvos a triste nova do falecemento do que fora ata hai uns anos o noso profesor de Educación Física, José Luís Llamas. Un apaixoado da actividade física e referente en Ourense de moitos deportes.
Pasou toda a súa vida profesional na Universidade Laboral, e desde aquí e tamén desde o Pavillón dous Remedios onde exercera ou cargo de Diretor, promocionou multitude de deportes.
Foi campión de España de Bádminton en varias ocasións e medalla de Galicia ao mérito deportivo.
Plantoulle cara á enfermidade que lle diagnosticaran hai máis de vinte anos, dándonos exemplo a todos nós de valentía ante a vida.
Non te esqueceremos compañeiro...
Estes días contamos coa visita de Lara e Manu, representantes do comercio xusto en Ourense.
Con eles o alumnado aprendeu en que consisten este tivo de relacións comerciais. Fixérono a través de xogos de rol con grans de café, nos que diferentes países imaxinarios facían o reparto de xeito máis beneficioso para todos.
Empatía, igualdade, benestar, solidariedade...., palabras chave para saber cara que mundo queremos camiñar.
Grazas a Lara e Manu por achegarse á Universidade Laboral para transmitirnos todo isto de xeito altruísta.
Temos 38 anónimos e ningún membro en liña
 |
|---|
|
|
 |
 |