O IES Universidade Laboral ven de gañar un primeiro premio de innovación educativa a nivel de Galiza; o concurso encadrado no Plan Proxecta, e organizado pola Consellería de Educación e o Instituto de estudos do territorio, centrábase este ano na sustentabilidade e o paisaxe. O traballo presentado analiza o contorno de Ourense segundo os principios da filosofía taoísta e o feng-shui.
Estivo coordinado polo profesor de ciclos, e vicedirector do noso centro, José Luis Sequeiros, e participaron ademais a profesora de filosofía Mila Alonso, o profesor de ciclos José Mato e o profesor de economía Javier González. As actividades realizadas foron orientada a estudantes de segundo de bacharelato.
O fin do proxecto era concienciarnos da veracidade das afirmacións do misticismo oriental que nos din que o individuo é un con todo o demais. Calquera actuación na paisaxe aféctanos tamén a nós.
Unha das conclusións do estudo é que o emprazamento da cidade é idóneo aos ollos do feng-shui, pero non tanto as intervencións que, baixo o paraugas do progreso, foron realizándose no último século.
Ler a noticia de prensa
Temos 6 anónimos e ningún membro en liña
 |
|---|
|
|
 |
 |