En marzo de 2014 comezamos a colaboración coa asociación sen ánimo de lucro BANTA. Trátase dunha asociaciación que axuda economicamente a nenos con algún tipo de discapacidade, mediante a recollida de tapóns.

A nosa axuda consistiu en converternos en punto de recollida dos tapóns, para entregarllos á asociación cando a cantidade recollida fora considerable.

Naquel mes colocamos uns recipientes de cartón, debidamente sinalizados na entrada do centro, para organizar a recollida.

Banta axuda a nenos e nenas de toda a Comunidade, e vai cambiando os beneficiarios a medida que van conseguindo cumprir os seus obxectivos. Naquela campaña as axudas centrámolas en Daniel, un rapaz de Verín.

Daniel tiña 8 anos, e precisaba un andador NF Walker pola súa discapacidade (cun custe superior aos 2000 euros). O seu pai estivo na Laboral falándonos do proxecto. Comentounos que por cada tonelada de tapóns recollidos, recibía 250 euros.

Finalmente, rematado o curso, o pai do rapaz volveu ao centro para dar as grazas a todos os que colaborastes aínda que só fora depositando un tapón, e para informarnos que xa conseguiran o diñeiro suficiente para mercar o andador.

Animounos a seguir recollendo o curso seguinte para outros rapaces necesitados.

¡¡¡GRAZAS A TODOS OS QUE COLABORASTES NESTA PRIMEIRA CAMPAÑA DE RECOLLIDA!!!