O venres 21 de febreiro celebraremos o entroido na Laboral.

• Para todos os cursos haberá actividade lectiva normal nas dúas primeiras horas
• A partir do primeiro recreo os grupos que participen activamente no entroido irán ao salón de actos para desfrutar das actuacións.
• A partir do segundo recreo a celebración trasládase ao hall do instituto no que haberá a tradicional festa de entroido.
• Ás 14.00 acábase a celebración. O alumnado volve a aula recolle o seu material e agarda o timbre de saída.

O martes 18 de febreiro realizaremos como casa ano un "Almorzo Solidario" como actividade enmarcada dentro das Campañas de Sensibilización e respecto cara os animais que organizamos na Universidade Laboral. Está proposta e organizada polo departamento de Filosofía. Na entrada teremos o almorzo elaborado por un grupo de alumnos e alumnas de forma voluntaria.  Podedes participar simplemente achegándovos ata alí e fomentando a participación dende as vosas clases.
Con esta iniciativa trátase de apoiar o traballo de diferentes asociacións da nosa cidade, e neste caso quixemos axudar a “Patrulla Callejera -Colonias de Gatos”. Todo o recadado do almorzo será destinado para os animais abandonados que buscan un fogar.
Se queredes colaborar economicamente con eles aquí tedes o xeito de facelo
Máis información da asociación nesta nova da Región

Máis información.

As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia. Opcionalmente, poderanse presentar as solicitudes presencialmente en calquera dos lugares e rexistros establecidos na normativa reguladora do procedemento administrativo común. Xunto coa solicitude deberase presentar xustificante para a Administración do impreso correspondente de autoliquidación de taxas (importe de 40,77 euros), validado pola entidade bancaria onde se realice o ingreso

A Universidade Laboral acaba de ser seleccionada entre xunto con outros tres centros da nosa provincia para a posta en marcha de accións de Apoio, Reforzo de Competencias e Orientación dirixidas a centros públicos en réxime de concorrencia competitiva, e cofinanciado polo Fondo Social Europeo.

Concretamente concedéronos a Liña 2 para 1º de ESO, e ten por obxecto apoiar e reforzar o alumnado para o desenvolvemento das competencias clave e mellora dos resultados académicos (que presente especial dificultade nas competencias en comunicación lingüística, competencia matemática e competencias básicas en ciencia e tecnoloxía, competencia aprender a aprender e a competencias sociais e cívicas).

Suporá que en breve incorporaremos ao noso cadro de persoal un novo/a profesor/a de Pedagoxía Terapeutica que se suma ás outras profesoras que chegaron hai pouco ao abeiro doutros proxectos europeos (a profesora que imparte docencia no PROA polas tardes e apoio polas mañás, e a segunda orientadora que xa leva máis dun mes reforzando o noso Departamento de Orientación).

Novas saídas de estudo e investigación do noso contorno. Dende as clases de Bioloxía, Psicoloxía e Debuxo Técnico os alumnos/as de 1º de ESO e 1º e 2º de Bacharelato puideron volver a saír ao bosque para realizar tarefas de observación, estudo, recollida de piñas. Maiores e pequenos mesturáronse para traballar xuntos.

E como non, facer tarefas para que o recinto siga igual de limpo que ata o de agora. Grazas polo voso traballo

Esta vez os rapaces/as da aula da natureza dedicáronse a construír un caixón contedor nun dos nosos patios interiores. Pronto veredes que uso lle van dar dar. polo momento o traballo está feito

Un ano máis o noso alumnado participou xunto cos IES de Allariz e Viana do Bolo nas Tertulias Literarias de Allariz. Pola mañá, visitaron varios museos e centros de interese na vila (dende aquí o noso agradecemento á Concellería de Cultura de Allariz e a Fundación Vicente Risco) e pola tarde debatiron sobre a magnífica novela Beleza Vermella de Arantxa Portabales coa que tiveron finalmente un entrañable encontro. Ata o ano que ven!

Hoxe realizamos o ingreso dos cartos recadados entre todos/as para colaborar coa campaña da Cruz Vermella. Recordade que irán destinados para que nenos de Ourense en exclusión social reciban este nadal un xoguete NOVO, non sexista e non bélico. Foron 607 euros.

Comentar que mesmo un traballador da oficina bancaria onde fixemos o ingreso quixo colaborar tamén a título persoal.

Grazas a todos/as pola vosa solidariedade. Feliz Nadal

O temporal que asolou Ourense a noite do 19 de decembro deixou unha pegada importante no recinto da Universidade Laboral. Temos 71 árbores caídas, con destrozos en tellados, ventás e sobre todo no polideportivo. Existen algunhas ramas e árbores que quedaron en mal estado o que fai inviable acceder ao espazo do bosque nin á zona do polideportivo que quedou pechada

Todo isto, e sentíndoo moito, fai que as actividades previstas para o último día de clase queden suspendidas e haberá clases normais.

Tampouco se poderá realizar a andaina nesa data. Postos en contacto coa Cruz Vermella acordamos facer o ingreso do diñeiro recadado para que o poidan utilizar para a compra de xoguetes como estaba previsto. Foron 607 Euros recadados. Agradecen moito a vosa colaboración e solidariedade.

Acordamos tamén que á volta de vacacións cando mellore o tempo e se retiren as árbores caídas realizaremos a andaina. Os que colaborastes economicamente non vos preocupedes porque temos listados cos nomes de todos vós por cursos e respectaremos a actividade como estaba prevista

Un ano máis por iniciativa do departamento de Filosofía estamos levando adiante o Mercadiño Solidario de Nadal. Esta vez é en colaboración coa Asociación Patrulla Callejera e Colonias de Gatos de Ourense.
Ten lugar os días 16 e 17 de decembro (luns e martes nos recreos).
O obxectivo obxectivo é  fomentar a tenencia responsable de animais, abandono cero, non mercar, senón adoptar, e sensibilizar cara o respeto os animais proporcionándolles unha vida vida digna.
Tódolos obxectos  que se venden do Mercadiño son doazóns de diferentes empresas e comercios, e a recadación vai directamente á Asociación.

Por outra banda tamén se poden traer latiñas ou penso para gatos, area, ou calquera outro accesorio, como camiñas, mantas, transportíns, etc., que teñades na casa e xa non precisedes.