Os días 19, 20 e 21 de decembro o alumnado de 2º de Bacharelato realizarou a tradicional viaxe a Madrid. Visitaron entre outros os lugares característicos da capital, a exposición de Goya no Museo do Prado, o planetario. Pero tamén tiveron tempo para o entretemento e diversión no "Articus" e no teatro da Gran Vía onde asistiron á obra "Vaya Movie".
Unha viaxe que recordarán moitos anos.
"Asun" non deixa de sorprendernos. Esta vez Asun é noticia a nivel nacional; fixéronlle un reportaxe con vídeo incluído no "Marca", de cara á eliminatoria de copa do rei que se vai celebrar o xoves 22 de decembro entre o seu Arenteiro e o Atlético de Madrid.
Ensina o seu famoso balcón desde onde se fan as retransmisións deportivas e conta moitas outras anécdotas.
Deixámosvos o enlace á sorprendente noticia
O venres 16 de decembro tivemos un acto de homenaxe a un profesor do noso centro falecido en abril do ano pasado. Trátase de José Mato Ferreiro "Harry", que traballou como profesor de automoción desde o ano 2008 cando chegou ata o 2021 que tristemente nos deixou.
Mato era unha persoa especialmente querida na Laboral. Fora alumno primeiro e profesor despois... sempre disposto a colaborar con calquera iniciativa do centro, sempre colaborando con con causas sociais...
Ao acto asistiu a súa viuva, a súa filla e moitos amigos que fomos del durante tantos anos. Colocouse unha placa co seu nome na parede do taller do Ciclo Superior onde impartía docencia.
Botámoste moito de menos amigo...
O alumnado da Aula da Natureza estivo traballando, reciclando, recollendo noces e pinas do bosque, e estes dias, por fin, construiron a árbore de Nadal.
Aprenderon a serrar, usar ben os martelos, en fin, o valor do esforzo e do respecto a Natureza.
Utilizaron Palets, cordas e moitos materiais todos de reciclaxe para decorar a entrada do IES durante estas festas.
Moi bo traballo rapaces/as, todo un exemplo de como con esforzo e enxeño non necesitamos moito, nin seguir consumindo recursos, para decorar o nadal.
Xornada na Coruña co alumnado de 1º de Bacharelato de Artes. Visitamos Museos e exposicións sobre arte oriental, pintura barroca, vangardas galegas, fotografías e máis.
Esculturas de incalculable valor e pinturas de grandes artistas, todo nun día de intenso aprendizaxe. A comida fronte ao mar aberto. O noso alumnado, unha vez máis, deu exemplo de saber estar e dun comportamento modélico.
De seguro agárdanos moitas máis saídas.
Os días 30 de novembro e 1 e 2 de decembro alumnado de Formación Profesional viaxou ao Pais Vasco para visitar varias empresas desa comunidade: A fábrica de Michelín, as Cooperativas de Mondragón e a empresa matriz do grupo co que colaboramos na FP DUAL, a Fábrica de Rubi.
Tamén tiveron tempo para visitar as citades de Bilbao e Vitoria e realizar algunha visita cultural nela.
O profesorado tamén tivo tempo de visitar e realizar unha pequena formación no centro de innovavión desa comunidade.
Estas actividades están organizadas pola nosa Aula de Emprendemento e financiadas con fondos europeos.
Deixamos un pequeno vídeo da visita, e se consultades as nosas redes sociais tedes aínda máis.
Este curso moitos centros solicitaron realizar as probas de acreditación lingüística. Na Laboral chegamos á cifra de case 70 alumnos/as solicitantes, o que provocou que a Consellería tivese que repartir entre todos a partida destinada a este programa.
No noso centro finalmente só estarán becados os alumnos dos cursos superiores (2º de Bacharelato e 2º de Ciclos de FP). Supoñemos que esta medida se tomou para que todo o mundo teña a oportunidade nalgún momento de beneficiarse dela.
A comunicación chegou xa a mediados de novembro polo que non dispuxemos de datas para que o alumnado realice as probas no mes de decembro. Buscaremos unha data axeitada xusto despois da entrega de notas na segunda avaliación (ademais da repesca de xuño)
Éxito rotundo na posta en marcha da Ludoteca do IES Universidade Laboral. Dende a sua apertura, a Ludoteca enchese con case 30 rapaces cada recreo, e iso que ainda acabamos de comezar!
Yael de Lorenzo Lamas acaba de recibir o primeiro premio no certame Xuventude Crea 2022, na categoría de Fotografía. Yael é actualmente alumna da escola de artes Antonio Faílde e fora alumna nosa do Bacharelato de artes hai dous anos. Enlace
O xurado seleccionou a súa serie "Mocidade" entre un gran número de participantes. "Mocidade" forma parte xa da exposición colectiva temporal que se pode ver na Igrexa da Universidade (Santiago de Compostela) e na cal se expoñen os traballos premiados. Posteriormente, pasará a formar parte do museo dixital: www.museoxuventudecrea.gal
Xuventude Crea, convocado pola Xunta de Galicia, leva trece anos premiando as propostas creativas da mocidade galega pertencentes a 14 categorías artísticas: teatro, música, novela curta, poesía, video creación, banda deseñada, arte urbana, moda, deseño de xoias, cociña, danza moderna, creación de videoxogos, fotografía e artes plásticas (esta última comprende as modalidades de pintura e escultura).
Moitos parabéns Yael! Desexámosche que de aquí en diante teñas moito máis éxito nas artes.
No marco de actuación do Plan Director, achéganmos información sobre unha campaña da Agencia Española de Protección de Datos para tratar de evitar a difusión a través de internet de contidos sexuais ou violentos publicados sen o permiso das persoas que aparecen neles, especialmente menores e/ou mulleres vítimas de malos tratos.
WEB de axuda
Esta campaña e o contido do sitio web trantan de ser de utilidade para informar o alumnado sobre a gravidade de accións, por veces irreflexivas, de difusión de fotografías, vídeos ou outros contidos non autorizados.
A ferramenta é de axuda tamén para denunciar contidos indesexados na rede, dos que sexamos coñecedores, e minimizar así no posible o dano para as vítimas, ao tempo que se facilita a actuación contra as persoas responsables.
Esta semana celébrase o 25N, o día da Violencia contra a muller. Non obstante, o calendario non axuda a celebrar nesta semana actividades relacionadas con esta temática tan importante (son datas de exames) así que dende vicedirección decidiuse adiar os actos previstos para a semana do 28 de novembro.
Deixamos un resumo das actividades previstas para esa semana: O Departamento de Orientación entregou un material aos titores/as para traballar na aula.
- Haberá exposicións e cartelería no Hall e instalaremos o Buzón contra a violencia tal e como fixemos o curso pasado.
- O día 28 de novembro haberá dúas actividades relacionadas coa igualdade e a non violencia:
Para 1º e 2º da ESO unha actividade de Maxia no salón de actos dende as 10.00 ata as 11.00 horas
Para 3º e 4º da ESO unha charla/taller sobre feminismo dende as 11.30 ata as 12.20 horas
Estas dúas actividades celébranse no Salón de Actos. O día 30 de novembro celebraremos un Festival sobre a Violencia contra a muller. Este Festival organizado polos departamentos de Lingua Castelá e Galega
Tantas persoas pasan pola Laboral cada ano (case mil) que sempre acontecen historias que merecen a pena ser contadas. O curso pasado dábamos conta dun exalumno de artes, Chechu, que gañaba nada menos que un Goya pola súa interpretación en "Las leyes de la frontera", e non era o primeiro actor de cine que pasaba por aquí... Hoxe traemos outra historia diferente, pero non menos sorprendente.
Vendo por televisión o sorteo da copa do rey de fútbol quedamos estupefactos cando apareceu na pequena pantalla a nosa Asun, a antiga telefonista da Laboral.
Resulta que o ano pasado cedera o balcón da súa casa para que retransmitiran por televisión o partido Arenteiro - Valencia; e tan agradecidos quedaran na Federación Española polo trato recibido (non marcharon coa barriga baleira), e coñecedores das súas dotes artísticas no teatro afeccionado, que a levaron para extraer a bola do equipo do Carballiño.
Foi ela a que decantou a sorte para que o Arenteiro se enfrontara ao Almería, ao que finalmente derrotou.
O dia 17 de novembro, terceiro xoves do mes, conmemórase o Dia Internacional da Filosofia. E así o celebramos nós, tivemos exposicións e actuación dos grupos de 1º de Bacharelato de Artes, cos seus traballos de Volume, reproduccións dos frisos do Partenón, e da clase de Filosofía, sobre a mitoloxía e os primeiros filósofos gregos.
Unha xornada para compartir o fruto do seu traballo.
Na ESO:
No Bacharelato:
Temos 29 anónimos e ningún membro en liña
