O IES Universidade Laboral ten solicitado á Consellería de Educación un novo Ciclo Formativo Superior do que polo de agora non existe oferta na provincia de Ourense (só tres centros o ofertan no resto de Galicia):
Trátase do Ciclo Superior de Mantemento de Instalacións Térmicas e de Fluídos (Máis Información na web da Consellería)
A súa aprobación definitiva está pendente de que no mes de setembro existan un mínimo de 15 solicitudes de admisión
Descarga o Folleto Informativo
Se estás interesado/a, pasa pola secretaría do centro para entregar a solicitude de admisión, ou informarte
¿Unha vez rematado este ciclo qué ocupacións se poden desempeñar?
Aquí tedes a relación de libros de texto para o vindeiro curso escolar 2018-19
Prodúcenos moita ledicia ver como os alumnos que deixan a Laboral, triunfan profesionalmente; e moito máis se de cando en vez se lembran de nós.
É o caso de Lucía Sun, alumna que pasara polo bacharelato de artes, e que agora triunfa en Madrid.
Nun artigo do diario La Región, recorda o paso pola Universidade Laboral, os coñecementos de fotografía que adquiriu e especialmente o ambiente cos compañeiros.
Merece a pena ler o artigo, e as palabras que nos dedica.
Neste enlace pódense descargar as datas e horarios dos exames de setembro.
Vanse celebrar o luns 3, e o martes 4 de setembro; en xornada de mañá e tarde. Os boletíns entregaranse o mércores 5 de setembro ás 10:30 horas
Os resultados do noso alumnado nas probas de acceso á universidade este ano volven a ser excelentes. Por segundo ano consecutivo acadamos o 100% de aprobados, repartidos entre os tres bacharelatos (ciencias, artes e humanidades e ciencias sociais). 17 presentados e 17 aprobados.
Tamén é de salientar que varios alumnos obtiveron cualificacións moi elevadas nestas probas: dúas cualificacións de 10 e moitas de 9 e de 8
¡¡¡Noraboa a todos/as!!!
Eira Losada, alumna de 1º do Bacharelato de Artes, ademais de ser unha excelente alumna, traballa para ser crítica literaria.
Fai o seu traballo a través das redes sociais. Hai pouco obtivo un dos premios "Youtubeiros" pola súa canle @NubesBaixoTi, na que reúne tutoriais de fotografía, cociña e maquillaxe. Acaba de acadar tamén o premio "Reto Lector" da Editorial Galaxia, polo seu traballo recomendando libros na súa canle.
O alumno de 1º de ESO A, Xacobe Conde Riveiro, ven de ser seleccionado xunto con outros 24 alumnos de toda Galiza para o programa ESTALMAT.
Este proxecto trata de detectar, orientar e estimular de manera continuada ao longo de dous cursos o talento matemático excepcional de alumnos/as de 12-13 anos, mediante unha orientación semanal, que se efectúa na Facultade de Matemáticas da Universidade de Santiago de Compostela.
Na foto posa Xacobe coa comunicación que o acredita como un dos seleccionados, xunto co seu profesor de matemáticas deste curso, Eladio Pereira.
Noraboa!!!
Alumnos/as de 1º ESO A gañaron o primeiro premio no concurso “Xornalistas na escola” de La Región. O pasado venres 15 de xuño foron ao Centro comercial a recibir o premio e desfrutar dunha xornada lúdica: espectáculo de maxia, taller de cociña, karaoke, videoxogos e xantar.
Noraboa aos premiados, e aos profes de lingua castelá que os animaron a participar!!!
Son tantas as actividades que levamos feitas ao longo do curso que non demos conta nesta web dalgunhas delas por falta de tempo. O 6 de novembro pasado os alumnos do Bacharelato de Artes foron a Santiago a visitar a Televisión de Galicia, e a cidade. Deixámosvos unhas cantas fotografías, para que poidades recordar aquela xornada de comezo de curso.
Os alumnos de ESO recibiron unha charla e degustación informativa dentro da campaña "Mediterraneamos", para fomentar unha dieta saudable”. Estes talleres foron impartidos no propio IES por persoal do Ministerio de Agricultura, pesca, Alimentación e Medio Ámbiente
As actividades tiveron tres partes: exposición teórica sobre os valores da Dieta Mediterránea, elaboración dunna pequena receita que contén alimentos que forman parte da “Dieta mediterránea” e por último unha clase de zumba.
Alumnado de 1º curso de Automoción, Electromecánica e Carrozaría, grazas a unha das empresas que colaboran co noso IES, "Luís Aragonés y Cia S.L.", poderán asistir o xoves 7 de xuño á "Masterclass Renault Sport".
Trátase dunha formación sobre a montaxe, preparación e mantemento dos vehículos de competición. Os participantes aprenderán as semellanzas que ten a gama Renault Sport cos vehículos de competición, ao recibir estes últimos tecnoloxía procedente da Fórmula 1.
Estará presente o Renault Clio R3T.
Na Masterclass tamén recibirán formación sobre os vehículos eléctricos, especialmente do impacto que teñen na sociedade: vantaxes que aportan ao contorno, montaxe e explicación de todos os seus elementos.
Os poñentes para esta xornada van ser:
- Maxi Cortés, Formador Renault.
- Jose Ramos, Formador Renault
O xoves 24 de maio tivo lugar a festa de graduación do alumnado de 2º curso de bacharelato. Despois de tantos anos no centro, despedíronse de nós.
Desexámoslles que teñan moita sorte nos exames de acceso á Universidade e na nova andaina que comezan fóra do noso centro.
Recordade que esta seguirá sendo a vosa casa.
Ata sempre!!!
A exposición dos alumnos de artes segue medrando. Se ata hai pouco tiñamos unha mostra de fotografía, agora xa hai de todo: óleos, fotografías, acuarelas debuxo a lápis, etc.
Temos o corredor cheo de arte. Son máis de 30 obras orixinais
Para a meirande parte do alumnado é a súa primeira exposición, e xa amosa todo o seu potencial.
Animamos a pais e nais a visitala tamén, especialmente os días que haxa representación teatral pola tarde.
¡Teatro máis exposición de balde!. Non se pode dar máis por este prezo
Temos 53 anónimos e ningún membro en liña
 |
|---|
|
|
 |
 |
|
Bacharelato de artes |
|---|
|
Recanto das CC Sociais |
|
|
|
Historia das mulleres ourensás |
|
|