Os alumnos de 2º de bacharelato marchan dous días a Madrid, nunha viaxe que vai quedar institucionalizada para os vindeiros anos.

Pretendemos que sexa unha viaxe cultural con oferta formativa para os tres bacharelatos.

• O xoves 13 de decembro chegarán a Alcobendas para visitar o Museo Nacional de Ciencia e Tecnoloxía. Tamén terán tempo de asistir a unha representación teatral preto do barrio de Chueca onde estarán aloxados.
• O venres 14 un grupo visitará a Casa Museo de Lope de Vega, e outro o Museo do Prado. Ese mesmo día todos visitarán o Museo Reina Sofía.

Esperamos que o pasedes moi ben e aproveitedes ao máximo a viaxe

Para conmemorar o "Día internacional da discapacidade", os alumnos de 2º de ESO e 2º de Formación profesional básica acudiron o martes 4 de decembro, ao Centro municipal de artes escénicas, para asistir á representación teatral "O inspector" do grupo "Muxicas teatro", no que os actores son persoas invidentes.

Ao final da representación os nosos alumnos puideron manter unha charla con todos os actores, para preguntarlles diversos aspectos do seu traballo.

Noticia sobre a compañía

Este último mes de novembro tivemos varias exposicións na entrada o instituto. A principios de mes conmmemorouse a "semana da ciencia", e puidemos disfrutar de información, fotografías, maquetas e obxectos en xeral relacionados coas ciencias.

Na última semana os departamentos de filosofía e matemáticas organizaron unha exposición sobre ilusións ópticas, na que puidemos poñer a proba os nosos sentidos (que polo que puidemos comprobar, case sempre nos enganan).

No mes de decembro tivemos que retirar todo porque hai que dar espazo ao mercadiño solidario que o departamento de filosofía  tradicionalmente pon en marcha nestas datas.

A Asociación de Nais e Pais do IES Universidade Laboral ven de colaborar económicamente no acto do magosto, e pronto dará o seu apoio para as actividades de teatro e a viaxe que os alumnos do club de lectura farán a Valencia. Tamén está traballando para ofrecer actividades propias ao noso alumnado, dentro do horario escolar. Por iso é fundamental  que os pais e nais presten o seu apoio económico e os que podan se presten a colaborar con ela.

Se aínda non pertencedes a ela e queredes facelo, estes son os datos

Teléfono: 630626767

e-mail: Este enderezo de correo está a ser protexido dos robots de correo lixo. Precisa activar o JavaScript para velo.

Nº de Conta para os ingresos: ES09 2080 5254 8830 4000 2539

Cota anual por familia: 15 Euros

A Consellería de Educación e Ordenación Universitaria puxo en marcha hai moitos anos, o programa de Alerta Escolar en colaboración coa Fundación 061, que ten como obxectivo a atención inmediata e eficiente do alumnado que presente unha patoloxía crónica e pode desenvolver en calquera momento unha crise.

Este programa posibilitará a súa asistencia e que o profesorado teña cobertura de persoal médico que conte con coñecementos dos nenos e nenas con esta problemática.

• Información da Consellería
• Información do Sergas
• Formulario para descargar

¿Qué deben facer as familias que se atopen neste caso?

• Descargar o formulario e entregalo asinado no IES
• Acompañar á solicitude os informes médicos da patoloxía do alumno/a, incluíndo nel a medicación que sexa necesaria administrar no caso de crises agudas.

O venres 9 de novembro tivemos o tradicional magosto na entrada do noso IES. Ampliamos dez minutos o recreo para que todos puidéramos desfrutar de bolos preñados, castañas e bebida. Todo "sen pagar un peso", e coma sempre a parte musical estivo a cargo do noso Vicedirector.

A festa estivo cofinanciada pola Anpa do IES, por iso recordamos a tódolos pais e nais que colaboren con ela, para poder levar adiante iniciativas coma esta.

O martes 23 de outubro, dentro do Plan Director da Xunta de Galicia, e organizado polo departamento de orientación, tivemos unha charla no salón de actos sobre o correcto uso das novas tecnoloxías e os riscos dun mal uso de internet e dos teléfonos móbiles.

A charla foi impartida por axentes da policía nacional e estivo dirixida a 1º e 2º de ESO e Formación Profesional Básica.

O martes 13 de outubro repetiuse a charla para os mesmos grupos, pero esta vez versou sobre o acoso escolar.

O mércores 17 de outubro os alumnos/as de ESO e Bacharelato puideron desfrutar dunha mañá de teatro. Asistiron no auditorio á representación teatral "Celebración. A gran noite" de Sarabela Teatro, organizada pola Concellería de Educación do Concello de Ourense.

Díptico da obra

Noticia no Faro de Vigo

Como xa puidestes comprobar esta primeira semana, estamos sen cafetería.

A partir deste curso escolar que comeza a licitación do servizo de cafeterías nos centros escolares públicos de Galicia vaise levar directamente desde a Consellería de Educación, e a adxudicación está a tardar un pouco máis do previsto.

Aínda non nos comunicaron a data de apertura, pero supoñemos que este inconvinte vaise solventar axiña. Por iso nestes primeiros días de curso, para que a fame non faga das súas recomendamos a todo o alumnado que traia da súa casa algo para comer nos recreos.

Lembrade traer comida sana

Xa foron actualizados os enlaces cos titores/as, e xa podedes contactar con eles/as a través desta páxina web.

Recordade que tedes que elixir un titor/a no menú da parte da dereita que leva ese título. Recordade tamén que vos tedes que indentificar na web coa clave e contrasinal para que funcione o enlace correctamente.

Cando contactedes co titor/a non esquezades indicar o voso nome e o voso correo electrónico, para que vos poda contestar.